“මනාපදායී ලභතේ මනාපං යෝ උජ්ජුභූතේසු දදාති ඡන්දසා,
අච්ඡාදනං සයනමථන්නපානං නානප්පකාරානි ච පච්චයානි.

තමා කැමති දෙය දෙන තැනැත්තා කැමති දෙය ම ලබයි. යමෙක් නිවන් මගෙහි ඍජු වූවන් උදෙසා ඉතා සතුටින් දන් දෙයි ද, හඳිනා පොරෝනා වස්ත්‍ර සයනාසන ආහාරපානාදිය නොයෙක් කැප සරුප් ප්‍රත්‍යයන් දෙයි ද,

චත්තඤ්ච මුත්තඤ්ච අනග්ගහීතං ඛෙත්තූපමේ අරහන්තේ විදිත්වා,
සෝ දුච්චජං සප්පුරිසෝ චජිත්වා මනාපදායී ලභතේ මනාපන්ති.

රහතන් වහන්සේලා පුණ්‍යක්ෂේත්‍රය ලෙස උපමා කොට වදාළ බව දැන නොඇළුණු සිතින් යුතුව දන් පුදන ලද්දේ ද, සිතින් අත්හරින ලද්දේ ද, ඒ සත්පුරුෂ තෙමේ දුෂ්කර වූ පරිත්‍යාගයන් කොට තමා කැමති දේ දී කැමති දේ ම ලබන්නේ ය.”

(උපුටා ගැනීම: මනාපදායී සූත්‍රය – අංගුත්ත​ර නිකාය)